EN
RU
Şəxsi kabinet
10-cu Yubiley Azərbaycan Beynəlxalq Ətraf Mühit Sərgisi
13 - 15 noyabr 2019 Bakı Ekspo Mərkəzi
caspianecology

Dəvətnaməni əldə edin

Stendin rezervasiyası

Rəsmi kataloq

Fotoqalereya
Sərgi » Sərgi haqqında

“Caspian Ecology 2018” sərgisi: təbiətin harmoniyası – planetin sağlamlığı

14 noyabr tarixində Bakı Ekspo Mərkəzində 9-cu Azərbaycan Beynəlxalq Ətraf Mühit “Caspian Ecology 2018” sərgisi öz işinə başladı. Sərgi “Təbiəti dəyişmə, özünü dəyiş!” devizi altında təşkil edir. Sərgi ekologiya və ətraf mühitin mühafizəsi sahəsində həm Xəzər, həm də Qafqaz regionlarında həyata keçirilən mühüm tədbirdir. “Caspian Ecology” sərgisi Azərbaycan Respublikası Ekologiya və Təbii Sərvətlər Nazirliyi, eləcə də IDEA (Ətraf mühitin mühafizəsi naminə beynəlxalq dialoq) İctimai Birliyi tərəfindən dəstəklənir. Sərginin təşkilatçısı qismində isə “Caspian Event Organisers” (CEO) şirkəti çıxış edir.

Sərginin rəsmi açılış mərasimində çıxış edən Ekologiya və Təbii Sərvətlər naziri cənab Muxtar Babayev sevindirici fakt kimi ekologiya məsələlərinə həsr edilmiş sərginin ənənə halını aldığını və beynəlxalq xarici şirkətlərin marağına səbəb olduğunu qeyd edib. Azərbaycanda bu sahəyə böyük diqqət yetirilir.

“Caspian Event Organisers” şirkətinin direktoru cənab Edvard Stroon qeyd edib ki, bu il “Caspian Ecology” sərgisində dünyanın 8 ölkəsindən 43 şirkət iştirak edir. Onların arasında Azərbaycan, Almaniya, Böyük Britaniya, İtaliya, Türkiyə və digər ölkələr var. Çıxın sonunda cənab Stroon göstərdiyi dəstəyə görə Azərbaycan Respublikası Ekologiya və Təbii Sərvətlər Nazirliyinə minnətdarlığını bildirib.

Sərgidə Azərbaycan Respublikası Ekologiya və Təbii Sərvətlər Nazirliyi, Azərbaycan Respublikası Fövqəladə Hallar Nazirliyi, Naxçıvan Muxtar Respublikası Ekologiya və Təbii Sərvətlər Nazirliyi, həmçinin “Azərsu”, “BP”, “GIZ”, “Socar Polymer”, “Təmiz Şəhər” və dünyanın bir çox digər şirkət və qurumları iştirak edəcəklər. Sərgidə ilk dəfə iştirak edənlər arasında: Advanced Industrial Solutions (Azərbaycan), Azеrеkov (Azərbaycan), AzerGold (Azərbaycan), Coca-Cola Azerbaijan, Finnish Water Forum (Finlandiya), HAUS (Türkiyə), Maire Tecnimont (İtaliya), Oreon Commerce (Azərbaycan), Planettek (Türkiyə), Suyum AZ (Azərbaycan) şirkətləri yer alır. İlk dəfə olaraq sərgidə "İçərişəhər" Dövlət Tarix-Memarlıq Qoruğu öz stendi ilə təqdim olunacaq. Sərginin Qızıl Sponsoru qismində Global Energy Azerbaijan LTD, Gümüş Sponsoru qismində isə  AAS-ATE şirkətlərinin çıxış etməsi bu tədbirin vacibliyini bir daha vurğulayır.

Ümumilikdə, “Caspian Ecology 2018” sərgisi təbii resurslardan səmərəli istifadəsi sahəsində ən son məhsullar, sülb (bərk) tullantıların toplanması və utilizasiyası sistemləri, eləcə də alternativ enerji üzrə müasir avadanlıq nümunələri və digər məhsulları nümayiş edəcək. Şirkətlər tullantıların utilizasiyası və emalı üçün avadanlıqlar, sutəmizləmə sistemləri, neft və qaz kəşfiyyatı və emalı xidmətləri, kağız və karton istehsalı  və bir sıra digər məhsulları təqdim edəcəklər.   

Sərginin işgüzar proqramı çərçivəsində ilk dəfə olaraq sərgi iştirakçıları arasında görüşlər, eləcə də müxtəlif seminarlar keçirilir. Həmçinin sərginin birinci iş günü İtaliya Ticarət Agentliyi tərəfindən təşkil olunan “B2B” formatlı ikitərəfli işgüzar görüşlər keçirildi.

Sabah sərgisi çərçivəsində Hilton Baku mehmanxanasında “Balıq ovlamadan davamlı akvakulturaya və dəniz ekosistemlərinin qorunmasına doğru” mövzusunda beynəlxalq elmi konfrans keçiriləcəkdir. “Xəzər regionunda akvakulturanın inkişaf prioritetləri və imkanları” və “Regional problemlərin müəyyən edilməsi, idarəetmə vasitələri və balıq ehtiyatlarının mühafizəsi” sessiyalarından ibarət olacaq Konfransın məqsədi Xəzər dənizində balıq ehtiyatlarının, xüsusilə də nərəcinsli balıqların kəskin azalması və qeyri-qanuni balıq ovu problemlərinin həlli, akvakulturanın inkişafı və s. məsələlərin müzakirəsindən ibarətdir.

16 noyabr tarixində Hilton mehmanxanasında “Qafqazda vəhşi təbiətin bərpası üzrə əməkdaşlıq” mövzusunda beynəlxalq elmi konfrans keçiriləcəkdir. Konfransın məqsədi bioloji müxtəlifliyin qorunması, regionun təbii bərpa sahəsində potensialının inkişafı üçün prioritetləri müəyyənləşdirmək və regional əməkdaşlığı genişləndirməkdir.

Təşkilatçılar sərgi çərçivəsində “Düşünüb, bölüşürük" layihəsini davam edərək burada ustadların əl işlərini nümayiş edirlər, həmçinin “Təmiz Şəhər”-in foyedə xüsusi sərgisi quraşdırılıb və burada ekoloji problemlərə və xammalın təkrar istifadə imkanlarına biganə qalmayan insanların əl işləri də təqdim olunur.

Beləliklə, Beynəlxalq “Caspian Ecology” sərgisi işgüzar əlaqələrin genişləndirilməsi, təcrübə mübadiləsi, habelə sənayedəki yeni avadanlıq və təmayüllərlə tanışlığa imkan yaratmaqla yanaşı, ətraf mühitin yaxşılaşdırılması istiqamətində görülən işlərə də əlavə təkan verir. Sərgi öz işini 16 dekabr tarixində yekunlaşdıracaq.


TƏRƏFDAŞLAR